LO QUE NOS CUENTA UN GALLEGO :

Vagancia creativa
Veciño deNarón. Estudante. SON VAGO. Nacín vago e o sigo sendo
Autor del comentario:
Juan E. Rodríguez Fernández
Localidad:
SON VAGO. Nacín vago e o sigo sendo. A vagancia non é mala, ata pódese dicir, que mentres sexa unha vagancia creativa, é algo beneficioso; o que non ten xeito ningún é a vagancia con maiúsculas: a vagancia absoluta.
Explícome. Se che pica un pé, poñamos por caso (porque é xusto o que me pica agora: o pé dereito) e non fas nada para solucinalo, esperando a que che pase o picor, coa temible consecuencia de que ese picor se prorrogue pola eternidade, neste caso estaríamos a falar de vagancia absoluta; pasividade total, coma un vexetal pero con consciencia. Seguindo co exemplo do picor do pé, se pensas en solucionalo dende a perspectiva innovadora da vagancia e non como eses tolos aos que lles faltaría tempo para dobrar o lombo e rascar con saña o inocente pé, pero tampouco ves con bos ollos a idea de non facer para remedialo, pode xurdir de aí o algo que remedie este picor, un invento¿ agora xa non é invento, pero no seu momento si que o foi: un pao de madeira rematado na súa parte superior cunha man, tamén de madeira ou de metal, para así poder rascar o pé sen moito esforzo.
Seica moita xente puido esbozar un sorriso ao ler as líneas precedentes: iso é porque é un exemplo sinxelo e foi o primeiro que me cruzou polos miolos (e o pé dereito), pero podo poñer exemplos máis significativos que vos fagan meditar: ¿como naceu a agricultura co boa que está a carne?
Consecuencia de non tomarse a molestia de ter que ir cazar e andar tras os animais, co cómodos que podían estar tumbados baixo unha árbore! Por iso o home é vago-sedentario. Da Muralla China pódese sacar a mesma conclusión: ¿Por que saír da casa para defenderte do inimigo se podes facer unha muralla que te defenda, e ti, mentres, no outro lado tan tranquilo?... e por non falar do mando a distancia da TV¿ Mentres sexamos vago-creativos non hai problema.